Deputeti i Lëvizjes Vetëvendosje, Dimal Basha, është zgjedhur kryetar i Kuvendit të Kosovës të martën.
Zgjedhja e Bashës kryeparlamentar i hap rrugën konstituimit të Kuvendit dhe formimit të Qeverisë së re, pas një ngërçi të gjatë politik, pas zgjedhjeve të 9 shkurtit.
Basha i mori 73 vota për, 30 kundër dhe tri abstenime. Ai arriti t’i marrë votat e nevojshme falë votës së një pjesë të deputetëve të PDK-së, AAK-së, dhë një pjese të pakicave.
LDK dhe Lista Serbe votuan kundër.
Përgjatë 57 seancave të zhvilluara nga Kuvendi i Kosovës pas zgjedhjeve të 9 shkurtit 2025, asnjëri prej kandidatëve të mëparshëm Albulena Haxhiu, Hekuran Murati, Arbërie Nagavci dhe Donika Gërvalla nuk ia dolën të marrin më shumë se 57 vota.
Sakaq janë zgjedhur dhe 3 nënkryetarët e Kuvendit. Ata janë Albulena Haxhiun Vlora Çitaku dhe Kujtim Shala.