Një konflikt mes disa të rinjve është regjistruar në Tiranaë, ku pesë persona kanë dhunuar me grushte dy vëllezër. Ngjarja ka ndodhur në zonën e Yzberisht.
Sipas informacioneve paraprake, të gjithë personat e përfshirë në konflikt ndodheshin në një lokal në zonë dhe dyshohet se ishin nën efektin e alkoolit në momentin kur ka nisur sherri.
Pas përplasjes fizike, në vendngjarje kanë mbërritur menjëherë efektivët e policisë dhe forcat Shqiponja, të cilët kanë ndërhyrë për të parandaluar përshkallëzimin e mëtejshëm të konfliktit.
Policia ka shoqëruar disa nga personat e përfshirë në komisariat, ndërsa po vijojnë verifikimet për të sqaruar plotësisht rrethanat e ngjarjes.