Dy shtetas kanë humbur jetën dhe katër të tjerë janë plagosur, pasi makina me të cilën po udhëtonin ka përfunduar në lumin Shkumbin.
Aksidenti i rëndë u shënua këtë mëngjes në aksin Elbasan-Librazhd, në vendin e quajtur “Kthesa e Murrashit, ku një automjet tip ML ka humbur kontrollin dhe ka rënë në lumin Shkumbin.
Policia dhe zjarrfikësja mbërritën menjëherë në vendngjarje dhe bënë të mundur nxjerrjen e personave që udhëtonin me këtë automjet.
Deri më tani janë konfirmuar dy viktima, burrë e grua, ndërsa katër persona të tjerë janë të plagosur rëndë, në gjendje të rëndë për jetën. Një prej tyre është një fëmijë dhe ndodhet në gjendje kome në spitalin e Traumës në Tiranë.