Fan Club BB VIP – Meridian Ramçaj ishte i eliminuari i radhës nga shtëpia e “Big Brother VIP”. Ditën e djeshme ai ishte i ftuar në emisionin “Fan Club BB VIP”, ku dha intervistën e tij të parë pas largimit nga shtëpia më e famshme në Shqipëri.
Teksa po fliste për eksperiencën e tij televizive, ai u shpreh se gabimi i tij ishte të mos i besonte instinktit, ndërsa hodhi akuza për aktorin Donald Veshaj.
“Mjafton të kujtojmë lotët e Donaldit kur dola nga shtëpia, mu dukën si lot narçizisti, se ishte ai gëzimi që nxora dikë… E përqafova nga ana njerëzore sepse ky është Merdiani, kurse ai tregoi veten e tij. Nuk doja ti besoja instinktit tim që ai është aktor, që ai po aktron gjithë kohës aty, sepse vetëm ashtu mund të fitonte pikë. Ajo që bën ai është se në moment që ka frikë dikë, i qëndron në distancë, bën batuta, ama pret momentin që ta rrëzojë por atëherë kur të mos ketë mundësi dikush të ngrihet”, u shpreh Meridiani.
Gjatë bisedës në studio, Arbër Zeka, fitues e “Big Brother 5” është përfshirë në një debat me Meridianin, ndërsa ky e fundit e akuzon se mbështet Donaldin dhe del për dreka me vëllain e tij, Romeon!
Pjesë nga debati:
Arbëri: Po më le të flas thotë Donaldi!
Meridian: Ngaqë ke ndenjur shumë me Romeon këto kohët e fundit dhe ke filluar të kopjosh. Drekat i ha ti jo unë o Arbër, fotot i bën ti jo unë!
Arbëri: Unë nuk ndikohem prej personazheve publikë! Po don ta nxjerri ndryshe por nuk është ndryshe! Kam besuar që do kishe një komunikim më të mirë, me hap tema më serioze, u eliminove!
Burimi: Gazeta Shqip