Kaos në Selinë e Partisë Demokratike. Mbështetës të Sali Berishës nuk kanë pritur protestën e orës 12:00 por kanë ‘pushtuar’ katin e parë të godinës, duke shqyer derën kryesore dhe thyer xhama.
Ata kanë marrë katin e parë të godinës, ndërkohë që kanë tentuar herë pas herë të shkonin edhe në katin e dytë ku është me të tijtë.
Më parë kanë goditur Sekretarin Për Pushtetin Vendor në PD, Roland Bejko dhe nuk e kanë lejuar të futet në seli.
Berisha ka dalë nga shtëpia e tij dhe ka mohuar ta ketë parë dhunën në seli. Ndërkohë që Partia Demokratike e ka konsideruar si një njeri që do gjak dhe vetë rri fshehur.
Teksa dhuna po intensifikohej Lulzim Basha ka kërkuar ndihmën e policisë, e cila i është përgjigjur menjëherë duke marrë në kontroll situatën. Policia ka hedhur gaz lotsjellës dhe ka shpërndarë protestuesit.
Shumica e protestuesve demokratë janë larguar nga selia e PD-së dhe po i drejtohen kryeministrisë, ku më pas do shkojnë sërish në Partinë Demokratike.
Mëngjesin e sotëm me një përshëndetje me dy gishta dhe duke bërë batuta me zgjimin herët të gazetarit. Kështu e nisi ditën kryetari i PD-së Lulzim Basha, i cili rreth orës 08:15 ka shkuar në selinë blu dhe nuk ka dal më.
Pasi ka përshëndetur gazetarët, lideri demokrat nuk i ka kursyer batutat, duke shtuar se këngën e Osman Takës do e kërcejnë më vonë.
“Mirëmëngjesi, qenke zgjuar herët shumë. Bravo të qoftë. Ndryshe nga vallja e Osman Takës. Do e kërcejmë më vone atë, pa merak”, i tha Basha gazetarit.
Pyetja që shtrohet tani pas gjithë kësaj është, a do ta kërcej Basha vallen e Osman Takës me një seli të shkatërruar dhe me urretjen e demokratëve?./Gazeta Shqip