Familjarë dhe të banorë të zonës përkujtuan sot ekstremistin Kostandin Kacifas, në tre vjetorin e ndarjes nga jeta.
Kacifas vrau veten pasi sulmoi me armë efektivët e RENEA-s në tetor të vitit 2018.
Një deputet i pavarur i parlamentit grek, Kostandinos Bogdhanos, kundërshton faktin se ekstremisti është vrarë. Sipas tij, rasti duhet hetuar si vrasje.
“Ajo që Kacifas bëri ishte të tërhiqte vëmendjen tonë për komunitetitn e grekëve të lashtë të Shqipërisë jugore, ose Vorio Epirit. Nuk na bind që një person të ketë vrarë veten me dy plumba në kokë.”
Edhe familjarët dhe kryetari i fshatit Pandeli Kuremno i kërkuan shtetit shqiptar dhe qeverisë greke të rinisë hetimet.
“Ishe fytyra e shpresës në Bularat, ishe rezistenca në ecurinë katasrofike që u katandisën grekët e Vorio Epirit. Trimëria jote i bezdiste dhe shkathtësia jote i bezdiste ata, prandaj u vrave.
Çështja është shumë më e madhe se sa vrasja e e një greku nga Vorio Epiri.
Ti Kacifas u rrite Vorioepiriot krenar. Dashuria jote për Vorio Epirin, Greqinë, flamurin grek dhe besimin ortodoks ishte e madhe” tha Kuremno në fjalën e rastit gjatë ceremonisë.
Të gjithë intervistat janë dhënë në gjuhën greke, ndërsa më pas vijoi mesha pa probleme.