I gjatë 170 centimetra, vetëm 63 kilogramë dhe është 15 vjeç. Emri i tij është Roger Fernandes, shkurt njihet si Roger. Trajneri Carlos Carvalhal e bëri të debutonte me Bragan, në Superkupë, kundër Sportingut, në verë dhe më pas i rezervoi minuta në Ligë dhe në Kupë.
Pikërisht në ndeshjen e Kupës, Roger shënoi golin e tij të parë këtë fundjavë. Shpërthimi i tij në lot gëzimi, pasi e realizoi me kokë, ishte një nga imzhet më të komentuara në Portugali. Edhe trajneri i tij, Carvalhal, e bëri virale në rrjet. Ishte minuta e 81-të e ndeshjes, kur Roger i ri kërceu me kokë për të bërë histori me golin e tij.
I lindur në Guinea Bissau, Roger jeton në Portugali që kur ishte fëmijë. “Isha shumë i lumtur për djalin. Ai kaloi një moment të vështirë dhe, për këtë arsye, kur dikush arrin sukses, reagimi i tij më prek dhe mua”, tha Carvalhal.