Certifikata shqiptare e vaksinimit njihet tashmë edhe nga Bashkimi Evropian.
Nga sot hyn në fuqi vendimi qe e lidh Shqipërinë me sistemin europian dhe certifikatat e Covidit që ai do të lëshojë, duke u pranua në BE me të njëjtat kushte si pasaportat dixhitale të bllokut.
Certifikata e Covid 19 ka të njëjtën vlerë me pasaportat digjitale të unionit.
Shtatë vendime të reja u morën lidhur me certifikatat e Covid të lëshuara nga Shqipëria, Andorra, ishujt Faroe, Izraeli, Monako, Maroku e Panamaja.
“Këtë verë, pamë se qytetarët kanë mundur të udhëtojnë të sigurojnë falë certifikatës digjitale Covid të Bashkimit Europian. Kjo është një situatë nga e cila përfitojnë të gjithë: qytetarët dhe bizneset mund të gëzojnë të drejtën e lëvizjes së lirë ndërsa sektori i transportit mund të nisë e ta marrë veten nga humbjet e muajve të kaluar.
Që prej qershorit janë lëshuar më shumë se 420 milionë certifikata të BE-së. Ndaj unë i mirëpres vendet jashtë bllokut, të cilat po i bashkohen sistemit tonë të suksesshëm. Në total, 42 shtete, 27 vende anëtare të Bashkimit Europian dhe 15 të tjera që nuk janë pjesë e tij, po bëhen tashmë pjesë e sistemit të pasaportave digjitale të BE-së, duke e konfirmuar këtë certifikatë si një standart ndërkombëtar”, tha komisioneri europian i drejtësisë, Didier Reynders.