5 shtetas janë arrestuar në Vlorë, pasi janë kapur duke kultivuar apo shitur drogë.
55-vjeçari me iniciale B.L. u kap nën dyshimin se ka dhunuar fizikisht bashkëshorten. Gjatë kontrollit të banesës së tij, policia ka gjetur 1 kg e 200 gr lëndë narkotike e dyshuar kanabis.
Në oborrin e banesës së 45-vjeçarit me iniciale R.B.u gjetën bimë kanabisi. Ai u arrestua nga policia e Orikumit.
23-vjeçari me iniciale D.Xh. u arrestua pasi Gjykata e Vlorës e ka dënuar për “prodhim dhe shitje të narkotikëve”.
Policia njofton se ka arrestuar dhe një shtetas arab. 33-vjeçarit me iniciale A.L. iu gjet kokainë dhe kanabis në dhomën e hotelit ku qëndronte.
44-vjeçari me iniciale P.T. u kap me kanabis në makinën me të cilën po udhëtonte në qytetin bregdetar.
Të pestë shtetasit do të hetohen në tej nga Prokuroria e Vlorës.