Një 30-vjeçar ka mbetur i plagosur mbrëmjen e sotme në Shkodër.
Dyshohet se shtetasi me iniciale Q.M. e ka goditur me thikë pas një konflikti të çastit.
25-vjeçari është arrestuar ndërsa i lënduari, shtetasi me iniciale Ç.T. po merr ndihmën mjekësore në spitalin e Shkodrës.
Njoftimi i policisë:
Më datë 04.09.2021, rreth orës 22:20, në pedonalen pranë Urës së Bunës gjatë një konflikti të çastit, shtetasi Q.M.,25 vjeç ka plagosur me një mjet prerës thikë shtetasin Ç.T. 30 vjeç.
I dëmtuari ndodhet në Spitalin Rajonal Shkodër, jashtë rrezikut për jetën.
Grupi hetimor ndodhet në vendngjarje dhe vijon punën për sqarimin e rrethanave të ngjarjes.
Shërbimet e Policisë kanë bërë të mundur kapjen e autorit dhe shoqërimin e tij në ambientet e policisë për veprime të mëtejshme.