Një aksident tragjik ka ndodhur mëngjesin e sotëm në Shëngjn, ku furgoni ka përplasur një 6-vjeçar.
Fëmija i shoqëruar nga familjarët ka qenë duke kaluar rrugën dhe është shkëputur.
Për pasojë, fëmija ka marrë dëmtime dhe është transportuar në spitalin Rajonal Lezhë për të marrë trajtim shëndetësor, por nuk i ka mbijetuar dot plagëve dhe ka ndërruar jetë.
“Më datë 18.08.2021, rreth për 08.45, në Shëngjin, mjeti tip furgon me drejtues shtetasin Sh.P., ka goditur një të mitur të moshës 6 vjeç, ku për pasojë ka marrë dëmtime dhe është transportuar në spitalin Rajonal Lezhë dhe ndodhet nën kujdesin mjekësor. Në vijim të informacionit paraprak ju informoj se ka ndërruar jetë në spital i mituri i aksidentuar në Shengjin.”, njofton policia.
Drejtuesi i mjetit, i identifikuar me inicialet Sh.P., është shoqëruar në Komisariatin e Policisë Lezhë, për veprime të mëtejshme.
Grupi hetimor në vendngjarje po punon për sqarimin e plotë të shkakut të aksidentit.