Në aeroportin e Kabulit është krijuar kaos, ndërsa trupat amerikane u detyruan të qëllonin me armë në ajër si formë paralajmërimi, për të parandaluar turmat e qytetarëve të dëshpëruar që vraponin mbi aeroplanë.
Lajmin e bëri të ditur një zyrtar për agjencinë e lajmeve Reuters, ndërsa theksoi se: “Turma ishte jashtë kontrollit. Qitja u bë vetëm për të shuar kaosin.”
Të shtënat me armë mund të dëgjoheshin në disa video në rrjetet sociale.
Skenat e dëshpëruara përfshijnë turma që rrotullohen rreth avionëve dhe përplasen në shkallë.
Trupat amerikane janë përgjegjëse në aeroport, ku thuhet se po i japin përparësi evakuimit të stafit të ambasadës në fluturimet ushtarake.