Një nga mafiozët më mizorë dhe ish-kreu i grupit kriminal italian Ndrangheta, 60-vjeçari Domenico Paviglianiti u arrestua pas 2 vitesh në arrati.
Ai u paraqit si “shefi i të gjithë shefave” në grupin mafioz të lartpërmendur të viteve ’80 dhe ’90 dhe streha e të cilit është në Kalabri. Ndrangheta është një nga organizatat më të mëdha mafioze me ndikim në të gjithë botën.
Sipas Euronews, Paviglianiti u arrestua fillimisht në Spanjë në vitin 1996 dhe më pas u ekstradua në Itali, ku vuajti një dënim të përjetshëm për krime të rënda, përfshirë vrasjen dhe trafikun e drogës.
🚩Agentes de la @policia han detenido en #Madrid al máximo responsable de la Ndrangueta calabresa
Han intervenido:
🔸Documentación portuguesa falsa
🔸6 teléfonos móviles
🔸Casi 6.000€ en efectivoEs considerado uno de los prófugos más buscados de #Italia pic.twitter.com/di47ZHSd2F
— Policía Nacional (@policia) August 5, 2021
Sidoqoftë, një gabim procedural rezultoi në lirimin e tij në tetor të vitit 2019. Pastaj ai shkoi përsëri në Spanjë.
Në janar të këtij viti, ai u dënua me një burg shtesë prej 12 vjetësh në mungesë në Bologna. Kjo është arsyeja pse ai u arrestua përsëri në Madrid, falë aksionit të përbashkët të policisë spanjolle dhe asaj italiane.
Përveç kësaj, policia konfiskoi gjashtë telefona celularë, 6,000 euro dhe dokumente të rreme portugeze që kishte me vete.