Edhe dita e sotme ka shënuar rritje të infektuarish me COVID në vendin tonë, ku në 24 orë janë infektuar 149 persona.
Nga 3,753 testime të kryera, kanë rezultuar pozitivë me Covid19, 149 qytetarë, në këto bashki: 57 raste në Tiranë, 15 raste në Shkodër, 7 raste në Kavajë, Vlore, 6 raste në Durrës, 5 raste në Lushnje, Pukë, Gjirokastër, Kuçovë, 4 raste në Fier, Lezhë, Sarandë, 3 raste në Krujë, Berat, Pogradec, 2 raste në Kurbin, Elbasan, Mat, Përmet, 1 rast në Has, Tepelenë, Vau i Dejës, Divjakë, Malësi e Madhe, Himarë, Peqin, Konispol.
Aktualisht janë 763 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor të specializuar 27 pacientë.
Fatkeqësisht gjatë këtyre orëve ka edhe një humbje jete, e moshuara 76-vjeçare nga Tirana nuk mundi dot t’i shpëtojë vdekjes.
Janë shëruar 27 qytetarë gjatë 24 orëve të fundit, duke e çuar numrin e të shëruarve në 130,370 që nga fillimi i epidemisë.
Në vendin tonë vijon vaksinimi masiv i të gjithë qytetarëve mbi 18 vjeç.
“Muaji Gusht do të jetë i hapur për vaksinimit antiCOVID për çdo qytetar +18 vjeç, ndaj Ministria e Shëndetësisë i bën apel qytetarëve të vaksinohen sa në parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127”, shkruan ministria.
Statistika (06 Gusht 2021)
Raste të reja ditore 149
Të shëruar në 24 orë 27
Të shtruar në spitale 27
Humbje jete në 24 orë 1
Testime ditore 3,753
Testime totale 922,100
Raste pozitive 133,591
Raste të shëruara 130,370
Raste Aktive 763
Humbje jete 2,458
Shpërndarja gjeografike e rasteve aktive sipas qarqeve:
Tiranë 288
Shkodër 110
Elbasan 80
Vlorë 69
Fier 47
Berat 46
Lezhë 40
Durrës 30
Kukës 20
Korçë 15
Gjirokastër 15
Dibër 3