Turqia është pushtuar nga zjarret dhe në vetëm 48 orë kanë ndërruar jetë 4 persona.
Flakët përfshinë 8 rajone, zonën e Antalias, Adanas, Osmaniyes, Mersinit, Kayserit, Muğlas, Kütahyas.
3 persona humbën jetën në Manavgat dhe 1 person në Marmaris.
Sipas mediave të huaja, dhjetëra fshatra janë evakuuar, ndërsa 4,000 zjarrfikës, të mbështetur nga helikopterë dhe aeroplanë po luftojnë me flakët.
Mes viktimave është një djalë 25-vjeçar, Şahin Akdemir nga Marmaris, i cili ndihmoi zjarrfikësit me ujë të pijshëm dhe bënte thirrje për ndihmë.
Gjithashtu kanë ndërruar jetë edhe dy persona, Osman dhe Şehri Kardaş, të cilët u gjetën të shkrumbuar në kuzhinë dhe tualet dhe dyert ishin të kyçura në momentin e zjarrit.