Kuvendi miratoi ligjin për ‘Bashkëqeverisjen’ sot Me 73 vota pro dhe 42 kundër.
Ky ligj përcakton rregullat për bashkëqeverisjen me qytetarët nëpërmjet gjithë përfshirjes së tyre në politikëbërje, garantimin e pjesëmarrjes së tyre në procedurat administrative vendimmarrëse, rritjen e përgjegjshmërisë dhe të llogaridhënies së administratës shtetërore.
Ligji synon përfshirjen e qytetarëve në vendimmarrje, si dhe ndëshkimin e atyre që shkelin detyrën dhe nuk japin shërbimin e duhur.
Gjithashtu, ligji përcakton mekanizma detyrues për shërbimet publike ndaj qytetarëve e sipërmarrjeve, si edhe sanksione financiare e administrative për zyrtarët që rezultojnë pengues të zgjidhjeve për qytetarët.
Po ashtu, në Kuvend u miratua me 112 vota pro edhe marrëveshja me kompaninë Pfizer për vaksinat anticovid.